قومی ٹیم ٹی 20 ورلڈ کپ میں بھیجنے کا فیصلہ حکومت کرے گی: محسن نقوی

01-24-2026

(لاہور نیوز) چیئرمین پاکستان کرکٹ بورڈ( پی سی بی) نے کہا ہےکہ قومی ٹیم کو ٹی 20 ورلڈ کپ میں بھیجنے کا فیصلہ حکومت کرے گی۔

میڈیا سے گفتگو کرتے ہوئے محسن نقوی کا کہنا تھا کہ ہمارا مؤقف وہی ہو گا جو حکومت کا ہوگا۔قومی ٹیم کو ٹی 20 ورلڈ کپ میں بھیجنے کا فیصلہ حکومت کرے گی،وزیراعظم شہبازشریف واپس آئیں گے تو فیصلہ کریں گے، ہم آئی سی سی کے نہیں اپنی حکومت کے تابع ہے۔ چیئرمین پی سی بی کا کہنا تھا کہ کوئی ایک ملک کسی کوڈکٹیٹ نہیں کرسکتا،آئی سی سی اجلاس میں کہا تھا کہ دہرا معیارنہیں ہونا چاہیے،حکومت جو بھی فیصلہ کرے گی ہم اس کے پابند ہیں،حکومت کہتی ہے نہیں کھیلنا تو وہ پھر 22 ویں ٹیم لے آئیں۔ محسن نقوی نے کہا کہ ہمارے پاس پلان اے،بی اور سی ہیں،کوئی ایک ملک کسی کو ڈکٹیٹ نہیں کرسکتا،آئی سی سی اجلاس میں کہا تھا دہرا معیار نہیں ہونا چاہیے،ب نگلادیش کی صورتِ حال پاکستان اور بھارت جیسی ہی ہے۔ اُن کا کہنا تھا کہ اگر پاکستان اور بھارت کو ہائبرڈ ماڈل کی اجازت ہے تو بنگلادیش کو کیوں نہیں؟بنگلادیش کو ہر صورت ورلڈ کپ میں کھلانا چاہیے،چیئرمین پی سی بی نے مزید کہا کہ پاکستانی کھلاڑیوں سے فراڈ ہوا ہے،رابطہ کریں گے تو مسئلہ حل کریں گے۔