جام کمال سے چینی سفیر کی ملاقات، دو طرفہ تجارتی روابط مضبوط بنانے پر اتفاق

01-21-2026

(لاہور نیوز) وفاقی وزیرِ تجارت جام کمال خان نے چینی سفیر جیانگ زائی دونگ سے ملاقات کی جس میں دو طرفہ تجارتی روابط مضبوط بنانے پر اتفاق ہوا۔

ملاقات کے دوران وفاقی وزیرِ تجارت جام کمال خان  نے کہا کہ برآمدات میں اضافے کیلئے کثیرالجہتی حکمتِ عملی پر توجہ دینے کی ضرورت ہے جبکہ زرعی شعبے میں تجارت کے فروغ کیلئے حکومتی اور کاروباری سطح پر تعاون بڑھانے کا بھی فیصلہ کیا گیا ہے۔ اس موقع پر چینی سفیر جیانگ زائی دونگ نے چین کے درآمدی ریگولیٹری فریم ورک سے متعلق تفصیلی بریفنگ دی تاہم دونوں فریقین میں تجارتی معاملات میں مثبت پیش رفت کو برقرار رکھنے کیلئے مسلسل رابطے اور مکالمے پر اتفاق بھی ہوا۔ مزید برآں، ملاقات میں پاک چین شراکت داری کو مزید مستحکم بنانے اور باہمی تعاون کے نئے مواقع تلاش کرنے کے عزم کا اعادہ بھی کیا گیا۔