پنجاب اسمبلی :اپوزیشن اجلاس بلانے کیلئے ریکوزیشن جمع کروانے کا حق کھو بیٹھی

01-21-2026

(لاہور نیوز) پنجاب اسمبلی میں اپوزیشن ارکان کو مالیاتی گوشوارے نہ جمع کروانا مہنگا پڑگیا، اپوزیشن اجلاس بلانے کے لئے ریکوزیشن جمع کروانے کا حق کھو بیٹھی۔

تفصیلات کے مطابق مالیاتی گوشوارے نہ جمع کروانے پر گزشتہ دنوں 13 اپوزیشن ارکان کو الیکشن کمیشن نے معطل کیا، معطلی سے پہلے اپوزیشن ارکان کی تعداد ایوان میں 99 تھی، معطلی کے بعد ایوان میں اپوزیشن ارکان کی تعداد 86 رہ گئی ہے، اجلاس کی ریکوزیشن جمع کروانے کے لئے تعداد 93 ہونی چاہیے۔ معطل ہونے والوں میں اپوزیشن لیڈر معین ریاض قریشی کا نام بھی شامل ہے، ان کے علاوہ معطل ہونے والوں میں صلاح الدین خان، محمد داؤد خان، علی رضا خان خاکوانی، محمد اقبال خٹک کے نام شامل ہیں۔ عدنان ڈوگر، وسیم خان، امتیاز محمود، محمد آصف ، محمد نواز، جاوید نیاز منج، شاہد رضا، اعجاز حسین بخاری بھی معطل ہو چکے ہیں۔ اس سے پہلے اپوزیشن کمیٹیوں کی چیئرمین شپ سے بھی مستعفی ہو چکی ہے۔