بسنت کیلئے سرکاری سکولوں کی چھتیں نیلام کرنے کا فیصلہ

01-20-2026

(لاہور نیوز) ڈسٹرکٹ ایجوکیشن اتھارٹی نے چند سرکاری سکولوں کی چھتوں کو بسنت کے پروگرامز کیلئے نیلامی کرنے کا فیصلہ کر لیا۔

سیکرٹری سکولز ایجوکیشن کی منظوری کے بعد نیلامی کا عمل شروع ہو گا۔ نیلامی میں شامل سکولوں میں گورنمنٹ وکٹوریہ گرلز ہائی سکول، گورنمنٹ ہائی سکول دہلی گیٹ، گورنمنٹ بوائز اینڈ گرلز ہائی سکول شیرانوالہ گیٹ، گورنمنٹ سکول موچی گیٹ، گورنمنٹ سکول کابلی محل، گورنمنٹ گرلز ہائی سکول رنگ محل، گورنمنٹ کرشن ہائی سکول رنگ محل، گورنمنٹ ماڈل ہائی سکول تکیہ سادھواں شامل ہیں۔ اس کے علاوہ گورنمنٹ سکول شیشہ موتی بازار، گورنمنٹ ہائی سکول سی ڈی جی ایل بھاٹی گیٹ، آصفہ ماڈل سکول شیرانوالہ گیٹ، گورنمنٹ ہائی سکول چونا منڈی اور گورنمنٹ ہائی سکول گوالمنڈی شامل ہیں۔ اس دوران انتظامیہ فروری کے پہلے ہفتے میں بسنت کے موقع پر چار روزہ تعطیلات دینے پر بھی غور کر رہی ہے، تاکہ شہر میں جشن محفوظ اور منظم انداز میں منایا جا سکے، انتظامیہ کا کہنا ہے کہ تعطیلات سے بسنت کے دوران ٹریفک کا بوجھ کم ہو گا اور شہریوں کو لانگ ویک اینڈ کا موقع ملے گا۔ ضلعی انتظامیہ اور والڈ سٹی بھی اس منصوبے میں شامل ہیں تاکہ بسنت کی تقریبات منظم اور محفوظ طریقے سے منعقد ہوں۔