جعلی مقدمات کی روک تھام، پنجاب کی عدالتوں میں آج سے نیا بائیو میٹرک نظام نافذ

01-20-2026

لاہور(محمد اشفاق) پنجاب کی عدالتوں میں جعلی مقدمات کی روک تھام کے منصوبے پر عمل درآمد کا آغاز،عدالتوں میں آج سے نیا بائیو میٹرک نظام نافذ کردیا گیا۔

چیف جسٹس لاہورہائیکورٹ جسٹس مس عالیہ  نیلم کی منظوری کے بعد بائیو میٹرک سسٹم کا نفاذ کردیا گیا جس کے تحت اب کسی بھی عدالتی کارروائی سے قبل تمام فریقین کی بائیو میٹرک تصدیق لازمی قرار دے دی گئی ہے۔ درخواست گزار، مدعا علیہ اور ضامن سب کو نادرا کے ذریعے بائیو میٹرک تصدیق کروانا ہوگی۔ نوٹیفکیشن  کے مطابق بائیو میٹرک تصدیق کے بغیر کوئی درخواست دائر نہیں ہوسکی گی۔  نوٹیفکیشن کے مطابق  بائیو میٹرک نظام کا مقصد جعلی مقدمات، فرضی ضمانتوں اور جعلی شناخت کے استعمال کو روکنا ہے۔ وکلاء تنظیموں کاکہنا ہے کہ اس اقدام سے عدالتی کارروائی میں شفافیت بڑھے گی اور اصل فریقین کی حاضری کو یقینی بنایا جا سکے گا، یہ اقدام عدالتی نظام میں ایکاہم اصلاح تصور کیا جا رہا ہے، جس کا کریڈٹ چیف جسٹس مس عالیہ نیلم کو جاتا ہے ۔