اہم سیاسی شخصیات، تاجر برادری و دیگر کی جنید صفدر کے دعوت ولیمہ میں شرکت

01-18-2026

(لاہور نیوز) وزیر اعلی پنجاب مریم نواز کے صاحبزادے جنید صفدر کی ولیمہ تقریب میں اہم سیاسی شخصیات، تاجر برادری کے ارکان کے علاوہ بین الاقوامی مہمانوں نے بھی شرکت کی۔

تقریب میں نواز شریف، شہباز شریف اور وزیر اعلیٰ پنجاب مریم نواز، صوبائی وزرا منشا اللہ بٹ، رانا محمد اقبال سے سمیت دیگر شریک ہوئے۔ میڈیا رپورٹس کے مطابق جنید صفدر اور شانزہ علی کی ولیمہ کی تقریب جاتی عمرہ فارمز میں ہوئی جس میں 800 کے قریب مہمانوں کو مدعو کیا گیا تھا۔  بین الاقوامی میوزک ڈائریکٹر نجاد علی کی قیادت میں 50 رکنی آرکسٹرا نے مختلف میوزیکل پرفارمنس سے حاضرین کو محظوظ کیا۔ دلہا جنید صفدر اپنی دلہن شانزے علی روحیل کے ساتھ ہاتھوں میں ہاتھ ڈالے تقریب میں پہنچے، دلہا جنید صفدر  نے سفید شلوار اور گرے رنگ کی شیروانی پہن رکھی تھی، دلہن شانزے علی گلابی عروسی لباس میں ملبوس تھیں۔