شدید دھند کے باعث ٹرینوں کا شیڈول درہم برہم، متعدد گھنٹوں تاخیر کا شکار

01-17-2026

(لاہور نیوز) میدانی علاقوں میں شدید دھند کے باعث ملک بھر میں ٹرینوں کا شیڈول بری طرح متاثر ہو گیا۔ کراچی اور کوئٹہ سمیت مختلف شہروں سے آنے والی متعدد مسافر ٹرینیں گھنٹوں تاخیر کا شکار ہیں ۔

کراچی سے آنے والی پاکستان ایکسپریس 4 گھنٹے 25 منٹ تاخیر کا شکار ہوئی، علامہ اقبال ایکسپریس 3 گھنٹے 40 منٹ اور رحمان بابا ایکسپریس 3 گھنٹے 35 منٹ لیٹ رہی۔ اسی طرح پاک بزنس ایکسپریس 3 گھنٹے 10 منٹ، جعفر ایکسپریس 3 گھنٹے اور عوام ایکسپریس 2 گھنٹے 50 منٹ تاخیر سے پہنچی۔ دیگر متاثرہ ٹرینوں میں کراچی ایکسپریس 2 گھنٹے 45 منٹ، ملت ایکسپریس 2 گھنٹے 35 منٹ، قراقرم ایکسپریس 2 گھنٹے 30 منٹ، تیزگام ایکسپریس 2 گھنٹے 10 منٹ جبکہ خیبر میل ایکسپریس ڈیڑھ گھنٹہ تاخیر کا شکار ہے ۔ ٹرینوں کی تاخیر کے باعث مسافروں کو شدید پریشانی کا سامنا کرنا پڑا، جبکہ ریلوے حکام کے مطابق دھند کے باعث ٹرینوں کو احتیاطاً کم رفتار سے چلایا جا رہا ہے۔