برائلر کے نرخوں میں کمی نہ ہوئی، قیمت 595 روپے کلو برقرار

01-16-2026

(لاہور نیوز) برائلر مرغی کے نرخوں میں کمی نہ آ سکی، انڈوں کی قیمت میں مزید اضافہ ریکارڈ کیا گیا۔

سرکاری نرخ نامے کے مطابق برائلر گوشت کی قیمت 595 روپے فی کلو مقرر کی گئی ہے، تاہم مارکیٹ میں صافی گوشت 670 روپے فی کلو تک شہریوں کو فروخت کیا جا رہا ہے، جس پر صارفین  نے تشویش کا اظہار کیا ہے۔ زندہ برائلر کے نرخوں میں بھی استحکام نہیں آ سکا، فارم گیٹ ریٹ کے مطابق زندہ برائلر 383 روپے فی کلو، ہول سیل مارکیٹ میں 397 روپے فی کلو، جبکہ پرچون بازار میں زندہ برائلر 411 روپے فی کلو میں فروخت ہو رہا ہے۔ دوسری جانب انڈوں کی قیمت میں ایک روپے فی درجن اضافہ کر دیا گیا، جس کے بعد انڈوں کی نئی قیمت 331 روپے فی درجن مقرر ہو گئی، ہول سیل مارکیٹ میں انڈوں کی ایک پیٹی 9 ہزار 810 روپے میں فروخت ہو رہی ہے۔