نواز شریف نے لاہور ایئرپورٹ کے نئے سٹیٹ لاؤنج کا افتتاح کر دیا

01-15-2026

(لاہور نیوز) پاکستان مسلم لیگ ن کے صدر محمد نواز شریف، وفاقی وزیر دفاع خواجہ آصف اور وزیر اعلیٰ پنجاب مریم نواز نےعلامہ اقبال انٹرنیشنل ایئرپورٹ لاہور کے سٹیٹ لاؤنج کا افتتاح کر دیا۔

اس موقع پر قائد محمد نواز شریف، وزیر دفاع اور وزیر اعلیٰ پنجاب نے تعمیرِ نو کے بعد بننے والے سٹیٹ لاؤنج کا دورہ کیا۔ تقریب میں سیکرٹری دفاع محمد علی نے معزز مہمانوں اور شرکاء کا خیرمقدم کیا، جبکہ پاکستان ایئرپورٹس اتھارٹی کے ڈائریکٹر جنرل ایئر وائس مارشل ذیشان سعید نے منصوبے سے متعلق بریفنگ دی۔ ڈی جی پی اے اے نے ایئرپورٹ اپ گریڈیشن پراجیکٹ کی تفصیلات سے آگاہ کرتے ہوئے بتایا کہ راوی لاؤنج، داخلی لابی، مین ہال اور دیگر حصوں کی مکمل تعمیرِ نو کی گئی ہے۔ بریفنگ کے دوران بتایا گیا کہ سٹیٹ لاؤنج کو جدید تقاضوں کے مطابق جدت طرازی کے ساتھ نئی اور خوبصورت شکل دی گئی ہے تاکہ ملکی و غیر ملکی معزز مہمانوں کو بہتر سہولیات فراہم کی جا سکیں۔