پنجاب حکومت نے چائلڈ لیبر کے لیے ماہانہ وظیفے کا اعلان کر دیا

01-14-2026

(لاہور نیوز) پنجاب حکومت چائلڈ لیبر کیلئے ماہانہ وظیفہ مقرر کرے گی۔

  اٹھارہ سال سے کم عمر بچوں کے والدین کی مالی معاونت کی جائے گی، بچوں کو مزدوری سے نکالنے پر والدین کو مشروط کیش سپورٹ دینے کا فیصلہ کیا ہے ۔ والدین کی مالی معاونت کے بعد بچوں کو تعلیم اور تربیت فراہم کی جائے گی، چائلڈ لیبر کے خاتمے کے لیے ٹاسک کمیٹیاں قائم، جامع پلان تیار کیا جائے گا،پنجاب حکومت نے چائلڈ لیبر کے موجودہ قانون میں ترامیم کے لیے سفارشات طلب کرلیں ۔ دوسری جانب کمیٹیوں کو چائلڈ لیبر کے خاتمے کے لیے 20 سے زائد ٹاسک سونپ دئیے گئے، بچوں کی ڈیجیٹل میپنگ اور جیو ٹیگنگ ہوگی، چائلڈ لیبر کے خاتمے کے لیے ہیلپ لائن اور بحالی مراکز قائم کیے جائیں گے، پنجاب حکومت سوشیو اکنامک سروے کے تحت والدین کو ماہانہ وظیفہ دے گی۔