پولٹری نرخ قابو سے باہر، برائلر سستا نہ ہو سکا

01-13-2026

(لاہور نیوز) پولٹری مصنوعات کی قیمتوں میں عدم استحکام برقرار ہے، جبکہ برائلر کے نرخوں میں تاحال کوئی نمایاں کمی نہیں ہو سکی۔

سرکاری نرخ نامے کے مطابق برائلر گوشت کی قیمت 595 روپے فی کلو مقرر کی گئی ہے، تاہم شہریوں کو صافی گوشت 670 روپے فی کلو تک فروخت کیا جا رہا ہے۔ زندہ برائلر کے نرخوں کی تفصیل کے مطابق فارم گیٹ ریٹ 383 روپے فی کلو مقرر ہے، ہول سیل مارکیٹ میں زندہ برائلر 397 روپے فی کلو جبکہ پرچون بازار میں زندہ برائلر 411 روپے فی کلو میں فروخت ہو رہا ہے۔ دوسری جانب انڈوں کی قیمتوں میں بھی اضافہ دیکھنے میں آیا ہے، انڈوں کے دام میں 2 روپے فی درجن اضافہ کیا گیا ہے، جس کے بعد انڈوں کی نئی قیمت 327 روپے فی درجن مقرر کر دی گئی ہے، مارکیٹ ذرائع کے مطابق انڈے مہنگے ہونے کے بعد نیچے جا رہے ہیں۔ ہول سیل مارکیٹ میں انڈوں کی ایک پیٹی 9 ہزار 690 روپے میں فروخت ہو رہی ہے، شہریوں کا کہنا ہے کہ مہنگائی کے باعث روزمرہ استعمال کی اشیاء ان کی پہنچ سے دور ہوتی جا رہی ہیں، جبکہ انتظامیہ سے قیمتوں پر مؤثر کنٹرول کا مطالبہ کیا جا رہا ہے۔