لاہور: 100 سے زائد سنگین وارداتوں میں ملوث ملزمان گرفتار

01-12-2026

(لاہور نیوز) اے وی ایل سی پولیس نے کارروائی کرتے ہوئے 100 سے زائد ڈکیتی و موٹرسائیکل چوری کی وارداتوں میں ملوث ملزمان گرفتارکر لئے، ملزمان کے قبضہ سے لیپ ٹاپ، موبائل فون اور موٹر سائیکلیں برآمد کر لی گئی ہیں۔

اینٹی لفٹنگ سیل پولیس نےکارروائی کرتے ہوئے 100 سے زائد ڈکیتی اور موٹرسائیکل چوری جیسی سنگین وارداتوں میں ملوث 2 ملزمان صدام حسین اور تابش کو گرفتار کر کے ان کے قبضے سے لیپ ٹاپ، موبائل فون اورموٹر سائیکلیں برآمد کر لیں۔ گرفتار ملزمان منگھوپیر کے رہائشی ہیں اور شہر بھر سے موٹر سائیکل چوری اورموبائل فون چھیننے کی متعدد وارداتیں کر چکے ہیں۔ اے وی ایل سی پولیس کے مطابق گرفتارملزمان چوری شدہ موٹرسائیکلوں اور چھینے گئے موبائل فون کو بلوچستان کے علاقے حب لے جا کر فروخت کرتے تھے تاہم پولیس کا کہنا ہے کہ ملزمان سے مزید تفتیش جاری ہے۔