لاہور: جرائم پیشہ عناصر کیخلاف آپریشن، 61 ملزمان گرفتار

01-11-2026

(لاہور نیوز) ڈولفن سکواڈ کی جانب سے لاہور میں جرائم پیشہ عناصر، ون ویلنگ، ہوائی فائرنگ و پتنگ بازی کے خلاف آپریشن کیا گیا، چھٹی کے روز شہر کے مختلف علاقوں سے 61 ملزمان گرفتار کیے گئے۔

ترجمان ڈولفن کے مطابق ڈیفنس، مال روڈ،کینال روڈ، جیل روڈ،بند روڈ، فیروزپور روڈ اور دیگر علاقوں سے 54 ون ویلرز کو گرفتار کیا گیا ہے۔ اسکے ساتھ ساتھ پتنگ بازی و ہوائی فائرنگ میں ملوث 07 ملزمان کو فیکٹری ایریا، شیراکوٹ و دیگر جگہوں سے گرفتار کیا گیا، ملزمان کے قبضہ سے پستول، پتنگیں، ڈور برآمد ہوئی جبکہ گرفتار ملزمان کو کارروائی کیلئے نصیر آباد، چوہنگ، ہربنس پورہ، کوٹ لکھپت و دیگر کے حوالے کردیا گیا۔ ایس پی ڈولفن اختر نواز کہنا ہے کہ پتنگ بازی،ون ویلنگ، ہوائی فائرنگ کے خلاف بلا امتیاز کارروائیاں جاری رہیں گی، شہریوں کی جانوں کو خطرے میں ڈالنے نہیں دیں گے۔