موسم کی خرابی کے باعث 4 پروازیں منسوخ، 67 پروازیں تاخیر کا شکار

01-10-2026

(ویب ڈیسک) موسم کی خرابی اور انتظامی مسائل کے باعث آج بھی 4 پروازوں کو منسوخ کر دیا گیا جبکہ 67 پروازیں تاخیر کا شکار ہیں۔

فلائٹ شیڈول کے مطابق پشاور اور دوحہ کے مابین غیرملکی ایئر لائن کی 2 پروازیں منسوخ کر دی گئی ہیں۔ اس کے علاوہ لاہور اور مشہد کے درمیان غیرملکی ایئر لائن کی 2 پروازوں کو منسوخ کیا گیا ہے۔ فلائٹ شیڈول کے مطابق اسلام آباد ایئر پورٹ کی 27 پروازوں میں 1 سے ساڑھے 5 گھنٹے تک تاخیر ہوئی ہے۔ پشاور ایئرپورٹ پر 6، ملتان 5، کراچی 16 جبکہ  لاہور کی 10 پروازیں تاخیر کا شکار ہیں۔