جماعت اسلامی کے امیدوار کے کاغزات نامزدگی جمع کروانے کے دوارن اغواء کا معاملہ

01-09-2026

(لاہور نیوز) پی پی 167 صوبائی اسمبلی کے عرفان شفیع کھوکھر کے انتقال کے بعد خالی سیٹ پر انتخاب پر جماعت اسلامی کے امیدوار چوہدری عبدالقیوم گجر کے وکیل اعجاز الحسن غوری کاغذات نامزدگی جمع کروانے سے قبل مبینہ طور پر اغواء ہو گئے۔

امیر جماعت اسلامی لاہور ضیاء الدین انصاری ایڈووکیٹ  نے کہا ہے کہ جماعت اسلامی عبدالقیوم چوہدری گجر  کے وکیل کو کاغذات نامزدگی جمع کروانے کیلئے اغواء کیا گیا، صوبائی حکومت کی فسطائیت آج ضمنی انتخابات کے کاغذات جمع کروانے کے موقع پر سامنے آئی ہے۔ انہوں نے مزید کہا کہ حکومتی پارٹی اپنے امیدوار کو بلا مقابلہ منتخب کروانے کیلئے غنڈہ گردی اور دھونس کا رویہ اپنائے ہوئے ہے، پنجاب پولیس آج صوبائی اسمبلی کے امیدوار کے وکیل کو اغوا کرکے مصطفی ٹاؤن تھانے میں لے گئی، جماعت اسلامی کی قیادت فوری طوری پر ریٹرنگ آفیسر کے دفتر پہنچی تو مبینہ اغواء کار پولیس اہلکاروں نے مغوی وکیل کو رہا کیا۔ انہوں نے مزید کہا کہ پولیس شاہ سے زیادہ شاہ کی وفادار بننے کی کوشش نہ کرے جبکہ بلدیاتی امیدواران کے ساتھ توہین آمیز رویہ برداشت نہیں کیا جائے گا۔