برائلر کے نرخوں میں 11 روپے کا اضافہ، قیمت 595 روپے کلو مقرر

01-07-2026

(لاہور نیوز) صوبائی دارالحکومت سمیت مختلف شہروں میں پولٹری مصنوعات کے دام ایک بار پھر عدم استحکام کا شکار ہو گئے۔

برائلر مرغی کے نرخوں میں 11 روپے فی کلو اضافہ ریکارڈ کیا گیا ہے جس کے بعد برائلر گوشت کی سرکاری قیمت 595 روپے فی کلو مقرر کر دی گئی ہے۔ مارکیٹ ذرائع کے مطابق شہریوں کو صافی برائلر گوشت 670 روپے فی کلو تک فروخت کیا جا رہا ہے، جو مقررہ نرخوں سے خاصا زیادہ ہے، دوسری جانب زندہ برائلر کے نرخوں میں بھی 8 روپے فی کلو اضافہ ہوا ہے۔ نئے نرخ نامے کے مطابق فارم گیٹ پر زندہ برائلر کی قیمت 383 روپے فی کلو مقرر کی گئی ہے، جبکہ ہول سیل مارکیٹ میں زندہ برائلر 397 روپے فی کلو میں فروخت ہو رہا ہے، پرچون بازاروں میں زندہ برائلر کی قیمت 411 روپے فی کلو تک پہنچ گئی ہے۔ دوسری جانب انڈوں کی قیمتوں میں کمی نہ آ سکی، انڈوں کی سرکاری قیمت 320 روپے فی درجن برقرار ہے، تاہم مارکیٹ میں فی انڈہ 30 روپے تک فروخت ہو رہا ہے، ہول سیل مارکیٹ میں انڈوں کی ایک پیٹی کی قیمت 9 ہزار 480 روپے مقرر کی گئی ہے۔