پی ٹی آئی کا پی پی 167 لاہور میں ضمنی الیکشن کے بائیکاٹ کا اعلان

01-05-2026

(لاہور نیوز) پی ٹی آئی نے پی پی 167لاہور میں ضمنی الیکشن کے بائیکاٹ کا اعلان کر دیا۔

تحریک انصاف کے سیکرٹری اطلاعات وقاص اکرم نے اس حوالے سے کہا ہے کہ صوبائی اسمبلی پنجاب کے حلقہ پی پی 167 میں ہونے والا ضمنی انتخاب بھی بائیکاٹ پالیسی کے تحت آتا ہے اسی لیے اس کا بائیکاٹ کیا جاتا ہے۔ انہوں نے کہا کہ پی ٹی آئی پی پی 167 ضمنی انتخاب میں حصہ نہیں لے رہی اور نہ ہی کسی امیدوار کی حمایت کر رہی ہے۔ واضح رہے کہ پی پی 167 ضمنی انتخاب میں ملک محمد شفیع کھوکھر ن لیگ کے امیدوار ہوں گے، مذکورہ نشست ان کے بیٹے ایم پی اے ملک عرفان شفیع کھوکھر کے انتقال کی وجہ سے خالی ہوئی تھی۔