پنجاب حکومت کا بڑا فیصلہ، سرکاری کالجز میں نرسنگ کی مفت تعلیم ختم

01-02-2026

(لاہور نیوز) پنجاب حکومت کا بڑا اقدام سرکاری کالجز میں نرسنگ کی مفت تعلیم ختم، نرسنگ طالبات بھی اب ہزاروں روپے فیس ادا کرکے تعلیم حاصل کریں گی۔

پنجاب حکومت نے نرسنگ طالبات کا ماہانہ وظیفہ بھی ختم کر دیا، نرسنگ طالبات کو سرکاری ہاسٹل کے واجبات بھی ادا کرنا ہونگے۔ پنجاب حکومت نے نرسنگ کالجز میں داخلوں کی پالیسی جاری کر دی، ایف ایس سی میں 50 فیصد نمبرز کی حامل طالبات داخلے کی اہل ہونگی، نرسنگ کالجز میں داخلہ کیلئے پنجاب کے ڈومیسائل کی شرط لازم، شاہدرہ ٹیچنگ ہسپتال کے نرسنگ کالج میں صرف مرد طلبا داخل ہونگے۔  سرکاری کالجز میں 3100 سیٹیں مارننگ 3000 ایوننگ شفٹ میں مختص، ٹیچنگ ہسپتالوں سے منسلک نرسنگ کالجز میں 100، 100 سیٹیں مختص، ڈسٹرکٹ ہسپتالوں سے منسلک کالجز میں 50، 50 سیٹیں دونوں شفٹوں کیلئے مختص کی گئی ہیں۔