برائلر گوشت کے دام میں کمی، قیمت 584 روپے کلو مقرر

01-02-2026

(لاہور نیوز) پولٹری مصنوعات کی قیمتوں میں جزوی کمی دیکھنے میں آئی ہے جہاں برائلر مرغی کے داموں میں 7 روپے فی کلو کمی کر دی گئی۔

سرکاری نرخ نامے کے مطابق برائلر گوشت کی قیمت 584 روپے فی کلو مقرر کی گئی ہے، تاہم شہریوں کو صافی گوشت 650 روپے فی کلو تک فروخت کیا جا رہا ہے۔ اسی طرح زندہ برائلر کے داموں میں بھی 5 روپے فی کلو کمی کی گئی ہے، فارم گیٹ ریٹ کے مطابق زندہ برائلر کی قیمت 375 روپے فی کلو مقرر کی گئی ہے، جبکہ ہول سیل مارکیٹ میں زندہ برائلر 389 روپے فی کلو میں دستیاب ہے، پرچون بازار میں زندہ برائلر کی قیمت 403 روپے فی کلو مقرر کی گئی ہے۔ دوسری جانب انڈوں کی قیمتوں میں کوئی کمی نہیں ہو سکی، انڈوں کی فی درجن قیمت 331 روپے برقرار ہے، جبکہ ہول سیل مارکیٹ میں انڈوں کی ایک پیٹی کی قیمت 9 ہزار 810 روپے مقرر کی گئی ہے۔