2026 میں پاکستان نے اقوام متحدہ انسانی حقوق کونسل کی رکنیت سنبھال لی

01-01-2026

(لاہور نیوز) 2026 میں پاکستان نے اقوام متحدہ انسانی حقوق کونسل کی رکنیت سنبھال لی۔2026 میں پاکستان ڈیجیٹل کوآپریشن آرگنائزیشن کی صدارت سنبھالے گا۔

سفارتی ذرائع کے مطابق 2026 میں یو ایس فیڈرل ایوی ایشن ایڈمنسٹریشن کا اعلی سطح وفد پاکستان کا دورہ کرے گا۔ یو ایس فیڈرل ایوی ایشن ایڈمنسٹریشن کا اعلی سطح وفد جنوری میں ہی پاکستانی ائیرپورٹس کا تفصیلی آڈٹ کرے گا، اس اقدام سے پاک، امریکہ براہ راست پروازیں شروع کرنے میں مدد ملے گی۔ جنوری کے اختتام پر تاجکستان کے صدر پاکستان کا دورہ کریں گے، تاجکستان کے صدر کے ہمراہ ایک اعلیٰ سطح وفد بھی پاکستان آئے گا، 2026 میں پاکستان ڈیجیٹل کوآپریشن آرگنائزیشن کی صدارت سنبھالے گا۔ نائب وزیراعظم اسحاق ڈار 3 جنوری سے چین کا اعلی سطح دورہ کر رہے ہیں۔4جنوری 2026 سے بیجنگ میں پاک۔ چین اعلی سطح تزویراتی مذاکرات کا انعقاد ہو گا۔ 17 جنوری کو وزیراعظم شہباز شریف نجی دورے پر برطانیہ روانہ ہوں گے۔19 جنوری کو وزیراعظم لندن سے سرکاری دورے پر ڈیووس پہنچیں گے۔ اپریل میں بنگلہ دیش کے سیکرٹری خارجہ کے دورہ پاکستان کی تیاریاں کیجا رہی ہیں۔اپریل میں پاکستان بنگلہ دیش 7 ویں سیکرٹری خارجہ سطح مذاکرات کا انعقاد کیا جاے گا۔ روان برس تیونس کا اعلی سطح وفد پاکستان میں 10ویں مشترکہ کمشن اجلاس میں شرکت کرے گا، رواں برس آسٹریلیا کی وہائٹ بال ٹوور پر مردانہ کرکٹ ٹیم کا دورہ پاکستان متوقع ہے۔ رواں برس پاکستان میں پاک چین دوستی کے 75 برس مکمل ہونے پر متعدد تقریبات کا انعقاد کیا جائے گا۔