نئے سال میں پنجاب فوڈ اتھارٹی کی کارروائیاں، 14 یونٹس بند، لاکھوں روپے کا جرمانہ عائد

01-01-2026

(لاہور نیوز) پنجاب فود اتھارٹی کی جانب سے سال 2026 کے پہلے روز لاہور میں 3 ہزار 427 فوڈ یونٹس کی چیکنگ، قوانین کی خلاف ورزیوں پر 14 یونٹس بند، 150 کو 20 لاکھ 50ہزار جرمانہ عائد کر دیا گیا۔

بادامی باغ میں 2شہد یونٹ پر چھاپے،160 کلو جعلی شہد اور 1من سے زائد گلوکوز تلف کیا گیا، گزشتہ سالوں کی نسبت 105فیصد اضافے کیساتھ 13 لاکھ50ہزار سے زائد فوڈ پوائنٹس کو چیک کیا گیا۔  ڈی جی پنجاب فوڈ اتھارٹی عاصم جاوید کاکہنا تھا کہ 309ملین لٹر دودھ چیک کرنے کے ساتھ ساتھ ملک فراڈ مافیا کیخلاف 1ہزار 68مقدمات درج کروائے گئے۔  انہوں نے کہا کہ پانی، دودھ کے معیار ،ٹریسیبیلٹی کیلئے ڈیجیٹل پورٹل پر تمام ریکارڈ اپلوڈ کرنا لازم قرار دیا گیا ہے، رواں سال مذبح خانوں کی ری ماڈلنگ اور ڈیجیٹل مانیٹرنگ کی جائے گی تاہم نئے یونیفارم اور باڈی کیم کے ذریعے فیلڈ آپریشنز کی نگرانی بھی کی جائے گی۔