برائلر کے دام میں کمی، قیمت 574 روپے فی کلو مقرر

12-31-2025

(لاہور نیوز) پولٹری مصنوعات کی قیمتوں میں اتار چڑھاؤ کا سلسلہ جاری ہے۔

تازہ اعداد و شمار کے مطابق برائلر کے داموں میں 7 روپے فی کلو کمی ریکارڈ کی گئی ہے، جس کے بعد برائلر گوشت کی سرکاری قیمت 574 روپے فی کلو مقرر کر دی گئی، تاہم شہریوں کو صافی گوشت 670 روپے فی کلو تک فروخت کیا جا رہا ہے۔ زندہ برائلر کی قیمت میں بھی کمی دیکھی گئی ہے، جہاں زندہ برائلر 5 روپے فی کلو سستا ہوا ہے، فارم گیٹ ریٹ زندہ برائلر 375 روپے فی کلو مقرر کیا گیا ہے، جبکہ ہول سیل مارکیٹ میں زندہ برائلر 389 روپے فی کلو میں فروخت ہو رہا ہے، پرچون بازاروں میں زندہ برائلر کی قیمت 403 روپے فی کلو تک پہنچ گئی ہے۔ دوسری جانب انڈوں کی قیمت میں ایک روپے فی درجن اضافہ ریکارڈ کیا گیا ہے، جس کے بعد انڈوں کی نئی قیمت 331 روپے فی درجن مقرر کر دی گئی ہے، ہول سیل مارکیٹ میں انڈوں کی ایک پیٹی 9 ہزار 810 روپے میں فروخت ہو رہی ہے۔