شفقت امانت علی اور ریشم نئے گانے میں بولڈ رومانوی مناظر کے باعث عوامی تنقید کا شکار

12-30-2025

(ویب ڈیسک)معروف گلوکار شفقت امانت اور ریشم کو گانے میں بولڈ مناظر کے باعث عوامی تنقید کا سامنا کرنا پڑگیا۔

شفقت امانت علی اب ملکہ ترنم نور جہاں کی مشہور غزل ’پہلی سی محبت‘ کا کور ورژن جلد ریلیز کرنے جا رہے ہیں۔اس رومانوی گیت کی ویڈیو میں معروف پاکستانی فلم اسٹار ریشم اور شفقت امانت علی مرکزی کردار ادا کر رہے ہیں۔ گیت 31 دسمبر کو ریلیز کیا جائے گا، جس کا ٹیزر ریشم نے سوشل میڈیا پر شیئر کیا۔تاہم، گلوکار کو اس ویڈیو میں بطور ہیرو رومانوی کردار ادا کرنے پر شدید عوامی تنقید کا سامنا ہے۔ کئی مداحوں کا کہنا ہے کہ انہیں یہ کردار کسی اداکار کو دینا چاہیے تھا۔ بعض نے ویڈیو کو نامناسب اور مایوس کن قرار دیا، جبکہ کچھ صارفین نے عمر کا حوالہ دیتے ہوئے طنزیہ تبصرے بھی کیے۔اس کے باوجود گیت کو موسیقی کے اعتبار سے خوب سراہا جا رہا ہے۔