انسانی سمگلنگ میں ملوث منظم گینگ کا اہم ملزم گرفتار

12-28-2025

(لاہور نیوز) ایف آئی اے اینٹی ہیومن ٹریفکنگ سرکل نے کارروائی کے دوران انسانی سمگلنگ میں ملوث منظم گینگ کا اہم ملزم اسلام آباد سے گرفتار کر لیا۔

ترجمان ایف آئی اے کے مطابق ملزم اسرار احمد کو شیخوپورہ سے گرفتار کیا گیا، ملزم شہریوں کو سمندر کے غیر قانونی راستے سے یورپ بھجوانے میں ملوث ہے۔ ابتدائی تفتیش کے مطابق ملزم عمرہ ویزے کے ذریعے شہریوں کو سعودی عرب اور بعد ازاں لیبیا بھجواتا تھا، گرفتار ملزم لیبیا سے غیر قانونی سمندری راستے سے شہریوں کو یورپ بھجوانے میں ملوث ہے، ملزم کے خلاف کارروائی اسلام آباد ایئرپورٹ پر آف لوڈ ہونے والے مسافروں کی نشاندہی پر عمل میں لائی گئی۔ ترجمان کا مزید کہنا تھا کہ ملزم کو گرفتار کر کے تفتیش کا آغاز کر دیا گیا ہے تاہم دیگر ملزمان کی گرفتاری کیلئے چھاپے مارے جار رہے ہیں۔