برائلر کے دام میں کمی، قیمت 577 روپے فی کلو مقرر

12-27-2025

(لاہور نیوز) شہر میں پولٹری مصنوعات کی قیمتوں میں کمی ریکارڈ کی گئی ہے۔

برائلر کے دام میں 7 روپے فی کلو کمی کر دی گئی، جس کے بعد برائلر گوشت کی قیمت 577 روپے فی کلو مقرر کی گئی ہے۔ مارکیٹ ذرائع کے مطابق شہریوں کو صافی گوشت 640 روپے فی کلو تک فروخت کیا جا رہا ہے، اسی طرح زندہ برائلر کی قیمت میں بھی 5 روپے فی کلو کمی کی گئی ہے۔ فارم گیٹ پر زندہ برائلر کی قیمت 370 روپے فی کلو مقرر کی گئی ہے، جبکہ ہول سیل مارکیٹ میں زندہ برائلر 384 روپے فی کلو میں دستیاب ہے، پرچون بازار میں زندہ برائلر 398 روپے فی کلو فروخت ہو رہا ہے۔ دوسری جانب انڈوں کی قیمت میں کوئی تبدیلی نہیں کی گئی، انڈوں کی قیمت 330 روپے فی درجن مقرر ہے، جبکہ ہول سیل مارکیٹ میں انڈوں کی ایک پیٹی 9 ہزار 780 روپے میں فروخت ہو رہی ہے۔ شہریوں  نے پولٹری مصنوعات کی قیمتوں میں کمی کو خوش آئند قرار دیتے ہوئے مزید کمی کی امید ظاہر کی ہے۔