تفریحی مقامات و پارکس میں سکیورٹی ہائی الرٹ

12-25-2025

(لاہور نیوز) یومِ قائد و کرسمس تقریبات پر تفریحی مقامات و پارکس کی سکیورٹی ڈیوٹی الرٹ کر دی گئی۔

یوم قائد،کرسمس پر پولیس لائنز سے700 پولیس افسران و جوان، خواتین اہلکاران سکیورٹی ڈیوٹی پر مامور ہیں، یوم قائد وکرسمس تقریبات، پارکس، تفریحی مقامات پر 94 خواتین پولیس افسران بھی تعینات کیے گئے ہیں۔ ایس پی منزہ کرامت  نے کہا کہ سکیورٹی ڈیوٹی بارے پولیس نفری کی مقررہ پوائنٹس پر بروقت روانگی کو یقینی بنایا گیا۔ انہوں نے کہا کہ شہر میں سکیورٹی، امن و امان کی صورتحال کو بہتر رکھنے کیلئے ریزرو پولیس نفری کو بریفنگ دی گئی ہے جبکہ پولیس کو عوام الناس سے خوش اخلاقی سے پیش آنے کی ہدایت کی گئی ہے۔ ایس پی ہیڈ کوارٹرز منزہ کرامت نے کہا کہ تمام تقریبات و پارکوں کی فول پروف سکیورٹی کو یقینی بنایا جائے گا۔