کاہنہ میں ڈاکوؤں کی ناکہ بندی، پولیس ملازم سمیت 11 شہری لوٹ لئے گئے

12-23-2025

(ویب ڈیسک) کاہنہ کے علاقے میں ڈاکوؤں نے ناکہ بندی کرکے پولیس ملازم سمیت 11 شہریوں کو لوٹ لیا۔

واردات اختر آباد کے قریب پیش آئی جہاں مسلح ملزمان  نے سڑک پر رکاوٹیں کھڑی کر کے راہگیروں کو روک لیا اور قیمتی سامان چھین کر فرار ہو گئے۔ پولیس کے مطابق متاثرین میں سپیشل پولیس اہلکار وسیم کے علاوہ ارشد، اسلم، احمد علی، وقار، عمران خان، اویس، سمیرا وقار، فیض اور آصف شہباز سمیت دیگر افراد شامل ہیں، ملزمان شہریوں سے موبائل فونز، نقدی اور دیگر قیمتی اشیاء چھین کر لے گئے۔ واقعے کے بعد متاثرہ شہریوں نے کاہنہ پولیس سے رابطہ کر کے مقدمات کے اندراج کیلئے درخواستیں جمع کرا دی ہیں، پولیس کا کہنا ہے کہ واقعے کی تحقیقات شروع کر دی گئی ہیں جبکہ علاقے میں ناکہ بندی اور سرچ آپریشن بھی کیا جا رہا ہے۔