سی سی ڈی کا چوہنگ میں مبینہ پولیس مقابلہ، زیرِ حراست ملزم ہلاک

12-23-2025

(لاہور نیوز) سی سی ڈی کے رات گئے چوہنگ کے علاقے میں مبینہ پولیس مقابلے میں زیرِ حراست ملزم ہلاک ہو گیا۔

پولیس کے مطابق زیرِ حراست ملزم جاوید کو ریکوری کیلئے چوہنگ لایا گیا تھا کہ اسی دوران گھات لگائے ہوئے اس کے ساتھیوں نے ملزم کو چھڑوانے کیلئے پولیس پارٹی پر اچانک فائرنگ کر دی۔ پولیس کا کہنا ہے کہ ساتھیوں کی فائرنگ کے نتیجے میں زیرِ حراست ملزم جاوید ہلاک ہو گیا۔ واقعے کے بعد ملزم کے ساتھی اندھیرے کا فائدہ اٹھاتے ہوئے موقع سے فرار ہونے میں کامیاب ہو گئے، پولیس  نے علاقے کی ناکہ بندی کی تاہم ملزمان گرفتار نہ ہو سکے۔ پولیس کے مطابق ہلاک ملزم کی لاش کو پوسٹ مارٹم کیلئے مردہ خانے منتقل کر دیا گیا، ابتدائی تحقیقات کے مطابق جاوید منشیات فروشی سمیت قتل، ڈکیتی اور دیگر سنگین جرائم میں ملوث تھا۔ پولیس نے مزید بتایا کہ فرار ہونے والے ملزمان کی گرفتاری کیلئے خصوصی ٹیمیں تشکیل دے دی گئی ہیں اور مختلف پہلوؤں سے تفتیش جاری ہے۔