سی سی ڈی اقبال ٹاؤن میں مبینہ پولیس مقابلہ، زیرِ حراست ملزم ہلاک

12-19-2025

(لاہور نیوز) سی سی ڈی اقبال ٹاؤن کی ٹیم کا رات گئے مبینہ پولیس مقابلہ پیش آیا جس میں زیرِ حراست ملزم محمد حیات ہلاک ہو گیا۔

پولیس کے مطابق سی سی ڈی ٹیم ملزم کو ریکوری کیلئے  لے جا رہی تھی کہ گھات لگائے ساتھیوں  نے اسے چھڑوانے کیلئے حملہ کر دیا۔ پولیس ذرائع کے مطابق فائرنگ کے دوران ساتھیوں کی گولیوں کی زد میں آ کر زیرِ حراست ملزم ہلاک ہوا، جبکہ سی سی ڈی اہلکار معجزانہ طور پر محفوظ رہے، ملزم کے ساتھی اندھیرے کا فائدہ اٹھاتے ہوئے فرار ہو گئے۔ پولیس  نے لاش کو پوسٹ مارٹم کیلئے مردہ خانے منتقل کر دیا اور فرار ہونے والے ساتھیوں کی گرفتاری کیلئے خصوصی ٹیم تشکیل دے دی گئی ہے۔ پولیس کے مطابق ہلاک ملزم منشیات فروشی، ڈکیتی اور دیگر سنگین جرائم میں ملوث تھا۔