لاؤڈ سپیکر ایکٹ کی خلاف ورزی پر کارروائیاں، 1357 ملزمان گرفتار

12-16-2025

(لاہور نیوز) لاہور پولیس اور ضلعی انتظامیہ نے شہر میں لاؤڈ سپیکر ایکٹ کی خلاف ورزی پر جاری کریک ڈاؤن کے دوران رواں سال اب تک 1357 ملزمان کو گرفتار کر لیا۔

اعداد و شمار کے مطابق سٹی ڈویژن سے 279، کینٹ سے 280، صدر سے 290 اور ماڈل ٹاؤن سے 208 ملزمان کو گرفتار کیا گیا۔ سی سی پی او لاہور بلال صدیق کمیانہ نے کہا کہ شادیوں اور دیگر تقریبات میں لاؤڈ سپیکر کے استعمال پر پابندی عائد ہے اور خلاف ورزی پر زیرو ٹالرنس پالیسی کے تحت کارروائی کی جائے گی۔ انہوں  نے مزید کہا کہ جمعہ کے خطبہ اور اذان کے علاوہ کسی بھی موقع پر لاؤڈ سپیکر کے استعمال پر مکمل پابندی یقینی بنائی جا رہی ہے، سی سی پی او لاہور نے بتایا کہ ضلعی انتظامیہ کے تعاون سے قوانین پر عملدرآمد کو یقینی بنایا جا رہا ہے تاکہ شہریوں کو شور شرابے سے محفوظ ماحول فراہم کیا جا سکے۔ لاہور پولیس  نے عوام سے بھی اپیل کی ہے کہ وہ قانون کی خلاف ورزی نہ کریں اور شہر میں امن و سکون برقرار رکھنے میں اپنا کردار ادا کریں۔