وزیراعلیٰ مریم نواز کا سانحہ اے پی ایس کے بہادر بچوں کو خراج تحسین

12-16-2025

(لاہور نیوز) وزیراعلیٰ پنجاب مریم نواز شریف نے سانحہ اے پی ایس کے بہادر بچوں کو خراج تحسین پیش کیا ہے۔

سانحہ آرمی پبلک سکول پشاور کی برسی پر اپنے خصوصی پیغام میں وزیراعلیٰ مریم نواز شریف کا کہنا تھا کہ سانحہ اے پی ایس کے بہادر والدین اور خاندانوں کو سلام پیش کرتی ہوں، سانحہ اے پی ایس میں معصوم بچوں کی قربانی کو کبھی بھولا نہیں جا سکتا۔ انہوں نے کہا کہ اے پی ایس کے معصوم بچوں، اساتذہ اور عملے کی قربانیاں بہادری کی مثال ہیں۔ مریم نواز شریف کا کہنا تھا کہ دہشت گردی کے خلاف پاکستان کا عزم غیر متزلزل ہے، افواج پاکستان کی لازوال قربانیوں کی بدولت ملک کا مستقبل روشن ہے، سانحہ اے پی ایس کے بچوں کی عظیم قربانی کو رائیگاں نہیں ہونے دیں گے۔