سپیکر قومی اسمبلی کا حکومت و اپوزیشن کے درمیان مذاکرات کا عندیہ

12-08-2025

(لاہور نیوز) قومی اسمبلی کا اجلاس بدھ 11 بجے تک ملتوی کر دیا گیا۔

سپیکر قومی اسمبلی سردار ایاز صادق نے کہا ہے کہ اپوزیشن لیڈر کا معاملہ ابھی عدالت میں زیر التوا ہے، جیسے ہی عدالت کا حکم آتا ہے پھر فیصلہ کروں گا۔ سردار ایاز صادق نے ایک بار پھر عندیہ دیا کہ میں حکومت و اپوزیشن کے درمیان مذاکرات کیلئے کرادا کرنے کو تیار ہوں، پہلے بھی کردار ادا کیا تھا مگر مجھے صلہ اچھا نہیں ملا۔ اُنہوں نے مزید کہا کہ آپ لوگ بیٹھ جائیں اور مشاورت کر کے بتا دیں، اداروں کے خلاف بات کر کے کچھ حاصل نہیں ہونا، ادارے سرحدوں کا دفاع کر رہے ہیں، دہشت گردی کے خلاف لڑرہے ہیں اُن پر الزامات مناسب نہیں۔