فیکٹری ایریا سے اغوا ہونے والا 3 سالہ بچہ چند گھنٹوں میں بازیاب

12-06-2025

(لاہور نیوز) سی سی ڈی پولیس نے بروقت کارروائی کرتے ہوئے فیکٹری ایریا سے 3 سالہ بچہ صائم چند گھنٹوں میں بازیاب کرا لیا۔

پولیس کے مطابق بچہ اغوا ہونے کے بعد ملزم کارروائی کے خوف سے بچے کو چھوڑ کر فرار ہو گیا، سی سی ڈی ذرائع کے مطابق سی سی ڈی ڈیفنس پولیس نے بچے کی تلاش کیلئے فوری طور پر تحقیقات شروع کیں اور مختصر وقت میں بچہ بازیاب کرا لیا۔ پولیس کی جانب سے جاری کی جانے والی سی سی ٹی وی فوٹیج میں اغواکار کا چہرہ بھی واضح طور پر دکھائی دیا ہے۔ تھانہ فیکٹری ایریا میں بچے کے والد کی مدعیت میں مقدمہ درج کر لیا گیا ہے اور مفرور ملزم کی گرفتاری کیلئے چھاپے مارے جا رہے ہیں، پولیس نے بتایا کہ ملزم کو جلد گرفتار کر لیا جائے گا۔ سی سی ڈی پولیس  نے 3 سالہ صائم کو کامیاب بازیابی کے بعد اس کے والدین کے حوالے کر دیا، جنہوں نے پولیس کا شکریہ ادا کیا۔