شہری حکومتوں کو بااختیاربنانا ضروری ہے: حافظ نعیم الرحمان

12-05-2025

(لاہور نیوز) امیر جماعت اسلامی حافظ نعیم الرحمان نے کہا ہے کہ شہری حکومتوں کو بااختیاربنانا ہو گا۔

صوبائی دارالحکومت میں تقریب سے خطاب کرتے ہوئے حافظ نعیم الرحمان کا کہنا تھا کہ ملک میں مافیازکا راج ہے، ملک میں سکولوں کو آؤٹ سورس کیا جا رہا ہے۔ اُنہوں نے کہا کہ ملک میں منشیات کا استعمال بڑھ رہا ہے کسی کی کوئی توجہ نہیں، کھیلوں کے گراؤنڈ کو آباد کرنا ہو گا، بچوں کی تعلیم اور کھیلوں پربھی توجہ دینی چاہیے۔ امیر جماعت اسلامی کا کہنا تھا کہ شہری حکومتوں کو بااختیار بنانا ہو گا، تمام وسائل صوبائی حکومتوں کے پاس ہے، بنو قابل پروگرام میں 12 لاکھ نوجوان رجسٹرڈ ہو چکے ہیں۔