پنجاب بار کونسل کا سڑکوں پر جنرل ہاؤس اجلاس منعقد کرنے کا اعلان

12-03-2025

(لاہور نیوز) پنجاب بار کونسل نے صوبہ بھر میں آج سڑکوں پر جنرل ہاؤس اجلاس منعقد کرنے کا اعلان کر دیا۔

پنجاب بار کونسل کی جانب سے جاری بیان کے مطابق پولیس اہلکاروں کی آج سے احاطہ عدالت میں داخلے پر پابندی ہوگی، پنجاب بھر کی بار ایسوسی ایشنز سڑک پر جنرل ہاؤس اجلاس منعقد کریں، اجلاس کی ویڈیو ریکارڈنگ چیئرمین ایگزیکٹو کو ارسال کی جائے۔ بیان میں مزید کہا گیا ہے کہ آج ماتحت عدالتوں میں وکلاء کی ہڑتال ہوگی، وہاڑی میں وکیل کے قتل اور جھنگ میں سابق صدر کے قتل کے ملزمان گرفتار نہیں ہوئے، آئی جی پنجاب وکلاء نمائندوں سے ملاقات سے دانستہ طور پر گریزاں ہیں۔