پولٹری مصنوعات کے داموں میں کمی، انڈے مہنگے ہو گئے

12-02-2025

(لاہور نیوز) برائلر گوشت اور زندہ برائلر کے داموں میں کمی آئی ہے، تاہم انڈوں کی قیمتوں میں مزید اضافہ دیکھنے کو ملا۔

پولٹری مارکیٹ میں برائلر گوشت کی قیمت میں 7 روپے تک کمی کی گئی ہے، اس کے مطابق، برائلر گوشت کی قیمت اب 475 روپے فی کلو مقرر کر دی گئی ہے، تاہم، صافی گوشت کی قیمت 540 روپے فی کلو تک شہریوں کو فروخت کیا جا رہا ہے۔ زندہ برائلر کے داموں میں بھی کمی دیکھی جا رہی ہے، فارم گیٹ ریٹ کے مطابق زندہ برائلر کی قیمت 300 روپے فی کلو مقرر کی گئی ہے، جبکہ ہول سیل میں یہ قیمت 314 روپے فی کلو ہے، پرچون مارکیٹ میں زندہ برائلر 328 روپے فی کلو فروخت ہو رہا ہے۔ دوسری طرف، انڈوں کی قیمتوں میں ایک اور اضافہ ہوا ہے جس سے عوام کی قوت خرید متاثر ہو رہی ہے، انڈوں کی قیمت میں 3 روپے کا اضافہ کیا گیا ہے اور اب انڈوں کا ایک درجن 348 روپے میں فروخت کیا جا رہا ہے، ہول سیل مارکیٹ میں انڈوں کی پیٹی 10,320 روپے میں دستیاب ہے۔