ناصر باغ میں درختوں کی کٹائی کیخلاف درخواست پر پی ایچ اے کو نوٹس

12-01-2025

(لاہور نیوز) لاہور ہائیکورٹ نے ناصر باغ میں درختوں کی کٹائی سے متعلق درخواست پر پی ایچ اے سمیت دیگر کو نوٹس جاری کر دیئے۔

لاہور ہائیکورٹ میں جسٹس شاہد کریم  نے وکیل اظہر صدیق کی جانب سے سموگ کی روک تھام سے متعلق دائر متفرق درخواست پر سماعت کی۔ درخواست گزار  نے مؤقف اختیار کیا کہ عدالتی احکامات کے باوجود ناصر باغ میں درخت کاٹے گئے ہیں، اس سے پہلے کینٹ میں بھی بوہڑ کا درخت کاٹا گیا۔ درخواست میں مؤقف اپنایا گیا کہ ہمیشہ درخت کٹ جانے کے بعد معافی مانگ لی جاتی ہے، عدالت ناصر باغ میں درختوں کی کٹائی کرنے والوں کے خلاف کارروائی کا حکم دے۔ لاہور ہائی کورٹ نے درخواست پر مزید کارروائی 5 دسمبر تک ملتوی کر دی۔