بار بار چالان ہونے والی گاڑیوں کو نیلام کر دیا جائے گا، ٹریفک قوانین سخت

11-29-2025

(ویب ڈیسک) پنجاب میں حکومت کی جانب سے پہلی بار ٹریفک کے حوالے سے بڑے اصلاحی اقدامات کئے جا رہے ہیں۔

تفصیلات کے مطابق جدید ترامیم سے پنجاب میں 60 سالہ پرانے ٹریفک ایکٹ میں 20 بڑی اصلاحات کی گئی ہیں۔ اصلاحات کے مطابق اب پنجاب میں کسی بھی گاڑی کا بار بار چالان ہو گا تو گاڑی نیلام ہو گی، سرکاری گاڑی قانون سے بالاتر نہیں، قوانین کی خلاف ورزی کرنے والی سرکاری گاڑیوں کو بھاری جرمانہ ہو گا۔ پنجاب میں ون وے کی خلاف ورزی ختم کرنے کیلئے 30 دن کی مہلت دی گئی ہے جبکہ یوٹرن کی ری ماڈلنگ سے  سڑکیں محفوظ اور منظم بنائی جائیں گی۔ حادثات میں جاں بحق افراد کے اہل خانہ کو دیت فوری طور پر فراہم کرنے پر اتفاق کیا گیا ہے اور مناسب پارکنگ نہیں ہو گی تو میرج ہال بھی نہیں ہو گا، میرج ہالز کو پارکنگ کا انتظام کرنے کی ہدایت کی گئی ہے۔ پنجاب میں کم عمر بچوں کی ڈرائیونگ ختم کرنے کیلئے سخت فیصلہ کن کریک ڈوان ہو گا، انڈر ایج ڈرائیونگ کی صورت میں گاڑی کے مالک کو 6 ماہ تک قید بھی ہو سکتی ہے۔ پنجاب بھر میں بس کی چھت پر سواریاں ختم کرنے کا کہہ دیا گیا ہے، اس حوالے سے کریک ڈاؤن کا حکم دیا گیا ہے، ٹریفک کی بہتری اور شہری حفاظت کیلئے لاہور کی پانچ ماڈل سڑکوں پر چنگ چی رکشوں پر مکمل پابندی عائد ہو گی۔