حکومت پنجاب نے ستھرا پنجاب پروگرام کو باقاعدہ قانونی شکل دے دی

11-28-2025

(لاہور نیوز) حکومت پنجاب نے ستھرا پنجاب پروگرام کو باقاعدہ قانونی شکل دے دی، گزٹ نوٹیفکیشن جاری کر دیا گیا۔

گزٹ نوٹیفکیشن کے مطابق صوبے میں ستھرا پنجاب اتھارٹی قائم کر دی گئی۔ جس کے تحت دس ویسٹ مینجمنٹ کمپنیاں تحلیل کرکے 41 ستھرا پنجاب ایجنسیز بنا دی گئیں۔ اتھارٹی صوبے میں صفائی ستھرائی کے کام پر مانیٹرنگ کرے گی۔ نوٹیفکیشن کے مطابق ستھرا پنجاب اتھارٹی اپنا میکانزم بنائے گی، اتھارٹی کوڑے سے  بجلی بنانے کے فیصلے کرے گی۔ وزیر اعلیٰ اتھارٹی کی چیئر پرسن ہوں گی، وزیر بلدیات اتھارٹی کے وائس چیئرپرسن ہوں گے، ہرضلع میں ستھرا پنجاب ایجنسی بھی بنے گی،  ڈپٹی کمشنر ستھرا پنجاب ایجنسی کا چیئرپرسن ہوگا۔ اتھارٹی کے فیصلے وزیراعلیٰ پنجاب اور ایجنسیز کے فیصلے ڈپٹی کمشنرز کریں گے۔ صوبہ بھر میں دس سالڈ ویسٹ مینجمنٹ کمپنیز اتھارٹی کی ماتحت کام کرینگی ۔ ستھرا پنجاب اتھارٹی بنانے کا مقصد کوڑے کو کارآمد استعمال میں لانا ہے ، ویسٹ ٹو انرجی ، رورل سینی ٹیشن اور ماحول و عوام دوست اقدامات کئے جائیں گے، سالڈ ویسٹ ایجنسیز کی ایچ آر،پراپرٹیز،فنڈز،پنشن،مشینری اور کنٹریکٹ کے فیصلے ڈی سی کی ذمہ داری ہو گی ۔