ریت سے بھری ٹریکٹر ٹرالی کی موٹرسائیکل کو ٹکر، 2 افراد جاں بحق

11-28-2025

(لاہور نیوز) مناواں کے علاقے میں ریت سے بھری ٹریکٹر ٹرالی کی ٹکر سے موٹرسائیکل سوار دو افراد جاں بحق ہو گئے۔

پولیس کے مطابق یہ افسوسناک حادثہ اس وقت پیش آیا جب 23 سالہ علی اور 18 سالہ محمد زین اپنی موٹرسائیکل پر سفر کر رہے تھے اور ٹریکٹر ٹرالی کی زد میں آ گئے۔ پولیس ذرائع  نے بتایا کہ حادثے کے فوراً بعد موقع پر پہنچ کر شواہد اکٹھے کئے گئے اور دونوں جاں بحق افراد کی لاشیں مردہ خانے منتقل کر دی گئیں، حادثے کے حوالے سے مزید تحقیقات جاری ہیں اور پولیس  نے ٹریکٹر ٹرالی کے ڈرائیور کی تلاش شروع کر دی ہے۔ مقامی افراد کا کہنا ہے کہ سڑک پر ریت سے بھری ٹرالیوں کی تعداد میں اضافہ ہو رہا ہے، جس کی وجہ سے ایسے حادثات میں اضافہ ہو رہا ہے۔ حکام نے عوام سے احتیاط برتنے اور سڑکوں پر ٹریکٹر ٹرالیوں کیلئے مزید سخت حفاظتی اقدامات کرنے کا مطالبہ کیا ہے۔