پہلے بین الاقوامی مقابلہ حسن قرأتِ قرآن مجید کا آخری مرحلہ مکمل

11-27-2025

(لاہور نیوز) پہلے بین الاقوامی مقابلہ حسن قرأتِ قرآن مجید کا آخری مرحلہ مکمل ہو گیا، آج پہلی دس پوزیشن حاصل کرنے والے قرآء نے قرآت کی سعادت حاصل کی۔

شام کے محمد سیمی، مراکش کے ایوب اللہ، ترکی کے طیّب حوس اور افغانستان کے عبدالرب ایوبی جبکہ پاکستان کے قاری عبدالرشید، ایران کے عدنان اور ملائیشیا کے ایمان رضوان نے سیمی فائنل میں تلاوت کر لی۔ دوسری جانب عراق کے مصطفیٰ عماد حمید الحمدان، بنگلہ دیش کے محمد میزان الرحمٰن، انڈونیشیا کے الہام محمودین نے بھی تلاوت کی تاہم پہلا دوسرا اور تیسرا انعام جیتنے والے خوش نصیب قراء کے ناموں کا اعلان 29 نومبر کو کیا جائے گا۔ چیف جج قاری سید صداقت علی کی سربراہی میں کویت، مصر، پاکستان اور ایران کے معروف قراء ججز کے فرائض سر انجام دیئے ہیں۔