عالمی اور مقامی مارکیٹوں میں سونے کی قیمت میں آج بھی بڑا اضافہ

11-26-2025

(لاہور نیوز) عالمی اور مقامی مارکیٹوں میں سونے کی قیمت میں اضافہ ریکارڈ کیا گیا۔

بین الاقوامی بلین مارکیٹ میں فی اونس سونے کی قیمت 23 ڈالر کے اضافے سے 4 ہزار 165 ڈالر کی سطح پر آ گئی۔ آل پاکستان جیمز اینڈ صرافہ ایسوسی ایشن کے مطابق عالمی مارکیٹ کے زیر اثر ملک میں فی تولہ سونے کی قیمت بھی 2 ہزار 300 روپے کے اضافے سے 4 لاکھ 38 ہزار 862 روپے کی سطح پر جا پہنچی۔ اس کے علاوہ فی دس گرام سونے کی قیمت ایک ہزار 972 روپے بڑھ کر 3 لاکھ 76 ہزار 253 روپے کی سطح پر آ گئی ہے۔ دوسری جانب فی تولہ چاندی کی قیمت بھی 60 روپے کے اضافے سے 5 ہزار 482 روپے اور فی دس گرام چاندی کی قیمت 51 روپے کے اضافے سے 4 ہزار 699 روپے کی سطح پر آ گئی۔