بجلی بل کی اقساط کی سہولت ختم، ادائیگی نہ کرنے پر کنکشن منقطع کرنے کا فیصلہ

11-25-2025

(لاہور نیوز) لیسکو نے نادہندہ نجی و سرکاری محکموں کیخلاف ریکوری مہم کا آغاز کر دیا، تمام صارفین کے کرنٹ بلوں پر اقساط کی سہولت پر پابندی عائد کر دی گئی۔

 لیسکو نے نادہندہ نجی و سرکاری محکموں اور اداروں کیخلاف ریکوری مہم، اقساط پر پابندی لگا دی گئی، کرنٹ بلز پر اقساط کی سہولت نہ دینے کے احکامات جاری کر دیئے گئے، صارفین کو صرف بقایا جات کی مد میں اقساط کی سہولت دینے کا فیصلہ کیا گیا، نیپرا قوانین کے مطابق صارفین کو ایک سال میں صرف دو مرتبہ اقساط کی سہولت میسر ہے۔ لیسکو نے واجبات کی وصولی کے لئے صارفین کو بقایاجات پر تین اقساط کی سہولت دی ہے، ریکوری اہداف کے حصول کے لئے رواں ماہ کے بلوں کی عدم ادائیگی پر کنکشن منقطع کرنا شروع کر دیئے گئے۔ لیسکو نے سرکاری، کمرشل اور صنعتی صارفین سے واجبات کی وصولی کے لئے کنکشن منقطع کرنے کا فیصلہ کیا، لیسکو نے کنکشن منقطع کر کے واجبات کی ادائیگی تک کنکشن بحال نہ کرنے کا فیصلہ کیا ہے۔