برائلر گوشت 15 روپے مہنگا، قیمت 490 روپے کلو مقرر

11-25-2025

(لاہور نیوز) پولٹری مصنوعات کے دام میں اضافہ تھم نہ سکا۔

برائلر گوشت کی قیمت میں 15 روپے تک اضافہ ہونے کے بعد اس کی قیمت 490 روپے فی کلو تک پہنچ گئی ہے، جبکہ صافی گوشت کی قیمت 580 روپے فی کلو تک پہنچ چکی ہے۔ ذرائع کے مطابق زندہ برائلر کی قیمت بھی بڑھ کر فارم گیٹ ریٹ کے مطابق 310 روپے فی کلو تک پہنچ گئی ہے، ہول سیل مارکیٹ میں زندہ برائلر 324 روپے فی کلو کے حساب سے دستیاب ہے، جبکہ پرچون بازار میں زندہ برائلر کی قیمت 338 روپے فی کلو تک جا پہنچی ہے۔ انڈوں کی قیمت بھی شہریوں کی قوت خرید سے باہر ہوتی جا رہی ہے، حالیہ دنوں میں انڈوں کی قیمت 344 روپے فی درجن تک پہنچ گئی ہے، جس کی وجہ سے لوگ اس ضروری غذائی اشیاء کو خریدنے سے گریز کر رہے ہیں، ہول سیل مارکیٹ میں انڈوں کی ایک پیٹی کی قیمت 10 ہزار 200 روپے مقرر کی گئی ہے۔