لاہور ہائیکورٹ نے یوٹیوبر سعد الرحمٰن المعروف ڈکی بھائی کی ضمانت منظور کر لی

11-24-2025

(لاہور نیوز) لاہور ہائیکورٹ نے غیر قانونی جوئے کی تشہیر کے الزام میں گرفتار یوٹیوبر سعد الرحمٰن المعروف ڈکی بھائی کی ضمانت منظور کر لی۔

عدالت میں جسٹس شہرام سرور  نے ڈکی بھائی کے خلاف ضمانت کی درخواست پر سماعت کی، سماعت کے دوران دلائل مکمل ہونے کے بعد عدالت نے ڈکی بھائی کی ضمانت منظور کرتے ہوئے انہیں 10 لاکھ روپے کے مچلکوں کے عوض رہائی کا حکم دے دیا۔ ڈکی بھائی پر الزام تھا کہ انہوں  نے اپنے یوٹیوب چینل کے ذریعے غیر قانونی جوئے کی ایپلیکیشنز کی تشہیر کی تھی، اسی الزام کی بنیاد پر 17 اگست کو نیشنل کرائم ایجنسی لاہور  نے ریاست کی مدعیت میں ان کے خلاف مقدمہ درج کیا تھا۔ مزید برآں، ڈکی بھائی کی اہلیہ کی شکایت پر سائبر کرائم ایجنسی کے 9 افسران کے خلاف بھی مقدمہ درج کیا گیا تھا، جس کی تفتیش جاری ہے۔