بیلٹ پیپر کی رازداری پامال کرنے پر عابد شیر علی کو الیکشن کمیشن کا نوٹس جاری

11-23-2025

(لاہور نیوز) پنجاب کے شہر فیصل آباد کے حلقہ پی پی 116 میں مسلم لیگ (ن) کے رہنما عابد شیر علی کی بیلٹ پیپر پر مہر لگانے کی ویڈیو وائرل ہونے پر الیکشن کمیشن نے نوٹس جاری کر دیا۔

الیکشن کمیشن کے نوٹس کے مطابق عابد شیر علی نے انتخابی قوانین کی خلاف ورزی کی اور موبائل فون پولنگ سٹیشن میں لے گئے، انہوں نے ووٹ ڈالنے کی ویڈیو بنائی اور سوشل میڈیا پر ڈال دی۔ دوسری جانب ڈسٹرکٹ ریٹرنگ آفیسر کے مطابق بیلٹ پیپر کی رازداری کو پامال کرنا قانونی طور پر جرم ہے، جس کی عابد شیر علی سے وضاحت طلب کی گئی ہے۔