رائیونڈ: تیز رفتار کار کی ٹکر سے نوجوان جاں بحق

11-21-2025

(لاہور نیوز) رائیونڈ میں سڑک پار کرتے ہوئے ایک نوجوان تیز رفتار کار کی زد میں آکر جاں بحق ہو گیا۔

حادثہ اس وقت پیش آیا جب نوجوان محمد حسین سڑک پار کر رہا تھا کہ تیز رفتار کار  نے اسے ٹکر مار دی، جس کے نتیجے میں وہ موقع پر ہی جاں بحق ہو گیا۔ پولیس کے مطابق حادثے کے فوراً بعد کار سوار موقع سے فرار ہو گیا، تاہم پولیس  نے واقعے کی تحقیقات شروع کر دی ہیں اور سی سی ٹی وی کیمروں کی مدد سے ملزم کی تلاش جاری ہے۔ پولیس کا کہنا ہے کہ ملزم کو جلد گرفتار کر لیا جائے گا اور اس کیخلاف قانون کے تحت سخت کارروائی کی جائے گی۔ مقامی لوگوں کا کہنا ہے کہ سڑکوں پر تیز رفتار ڈرائیونگ کے بڑھتے ہوئے واقعات کے پیش نظر قانون نافذ کرنے والے اداروں کو مزید سختی سے اقدامات کرنے کی ضرورت ہے تاکہ اس طرح کے حادثات کو روکا جا سکے۔