ماہرہ خان نے صبا قمر سے دشمنی کی حقیقت بتا دی

11-20-2025

(ویب ڈیسک) صبا قمر سے دشمنی کی خبروں پر ماہرہ خان کا ردعمل آ گیا۔

اپنی نئی فلم نیلوفر کی تشہیر کے سلسلے میں وہ فواد خان کے ہمراہ نجی ٹی وی پروگرام میں شریک ہوئیں۔ اس دوران ان سے سوال پوچھا گیا کہ صبا قمر اور آپ کے درمیان خاموش دشمنی کا تاثر کیوں دیا جاتا ہے، جس پر اداکارہ نے کہا کہ اس میں کوئی حقیقت نہیں ہے۔ ماہرہ خان نے کہا کہ کئی مرتبہ ان سے یہی سوال کیا جا چکا ہے اور اس کے جواب میں وہ یہی کہتی آئی ہیں کہ ان کی جانب سے کبھی بھی کوئی مخالفت یا دشمنی نہیں رہی۔ اس موقع پر انہوں نے صبا قمر کی اداکاری کی تعریف کی اور کہا کہ وہ باصلاحیت اداکارہ ہیں، انہوں نے کہا کہ دنیا بھر میں یہ رجحان ہے کہ جب بھی دو مضبوط اور کامیاب خواتین ایک ساتھ نظر آتی ہیں تو لوگ خود سے ہی انہیں ایک دوسرے کے مقابل کھڑا کرنے لگ جاتے ہیں۔ ان کا کہنا تھا کہ صبا قمر کے ساتھ انہوں نے کوئی مشترکہ پراجیکٹ نہیں کیا ہے اگر موقع ملا تو وہ ضرور ان کے ساتھ کام کریں گی۔