سموگ کم کرنے کیلئے شہر بھر میں پانی کا چھڑکاؤ

11-19-2025

(لاہور نیوز) سموگ کے اثرات کو کم کرنے کیلئے شہر بھر میں پانی کے چھڑکاؤ کا سلسلہ جاری ہے تاکہ شہریوں کو صاف اور صحت مند ماحول فراہم کیا جا سکے۔

تفصیلات کے مطابق شاہدرہ، راوی پل، آزادی چوک اور سرکلر روڈ پر واشنگ ٹیمیں تعینات ہیں، جبکہ ریلوے اسٹیشن، شالا مار گارڈن اور جناح گارڈن میں بھی پانی کے چھڑکاؤ کا عمل جاری ہے۔ شہر کے دیگر اہم مقامات جیسے چڑیا گھر، ریس کورس پارک، مال روڈ، جیل روڈ، گلبرگ مین بلیوارڈ، کینال روڈ، جوہر ٹاؤن، ایمپوریم مال، خیابان فردوسی اور پائن ایونیو پر بھی پانی کے چھڑکاؤ کا عمل کیا جا رہا ہے۔  سی ای او ایل ڈبلیو ایم سی کی ہدایت پر شہر کے داخلی و خارجی راستوں پر بھی وقفے وقفے سے پانی چھڑکا جا رہا ہے تاکہ دھول و مٹی کے اثرات کو کم کیا جا سکے۔ سی ای او ایل ڈبلیو ایم سی نے کہا کہ شہریوں کو سموگ فری ماحول فراہم کرنے کیلئے اقدامات پر عزم ہیں اور شہر میں مزید اقدامات کیلئے ٹیمیں سرگرم ہیں۔