پاکستانی طلباء کیلئے دنیا کی ٹاپ یونیورسٹیز میں فل فنڈِڈ سکالر شپس
11-17-2025
(لاہور نیوز) امریکہ کی یونیورسٹیوں میں پاکستانی طلباء کیلئے پی ایچ ڈی سکالر شپ پروگرام کا آغاز ہو گیا، ٹاپ ففٹی یونیورسٹیز میں سٹوڈنٹس کو مکمل ٹیوشن فیس کےساتھ ماہانہ وظیفہ بھی ملے گا۔
پاکستانی سٹوڈنٹ اب مکمل فنڈڈ سکالر شپ حاصل کر کے امریکہہ کی بہترین یونیورسٹیوں میں پی ایچ ڈی کر سکیں گے۔ "یو ایس پاکستان نالج کوریڈور" کے نام سے شروع کئے گئے پروگرام کے تحت امریکہ کی 100 بہترین یونیورسٹیز میں داخلے کے لیے سکالرشپس دستیاب ہو ں گے۔ ٹاپ 50 یونیورسٹیوں میں ملنے والےسکالر شپ میں مکمل ٹیوشن فیس کا احاطہ کیا جائے گا، سکالرشپ میں ماہانہ وظیفہ اور ہیلتھ انشورنس بھی شامل ہوں گی۔ امریکہ کی 51ویں سے 100ویں رینک تک یونیورسٹیز ک میں پی ایچ ڈی کرنے والے سٹوڈنٹس کو جزوی فنڈنگ ملے گی جبکہ انہیں 12 ہزار ڈالر سالانہ ٹیوشن سپورٹ ملے گی۔ ہائر ایجوکیشن کمیشن نے امریکہ مین پی ایچ ڈی پروگرام میں سکالر شپ کے لئے درخواستیں جمع کرانے کی آخری تاریخ 30 اپریل 2026 مقرر کی ہے۔